Vanessa's Blog

Goodbye blog :(

Vanessa — Mon, 26 Apr 2010 18:28:43 GMT

I write this note in order for you guys to know where to find my updates in the future!

I think I will give up writing this blog because not much people are reading it... not much feedback and also kind of time consuming. I don't want to be all outdated and stuff, so maybe it's better for me to update in facebook for the future. For those who don't have my facebook, especially my relatives, you can register facebook~~ add me!! clickhere

i know it's kinda troublesome that you have to register or log-in and stuff.. i'll try to update my other sites as well!!

for the music part...

this is my youtube:

click here

and this is my xanga:

click here

i also have weibo now!

click here !

i know i will be missing this blog because I can write all the details here and stuff... anyway, don't give up on me! haha~~~

發掘東京的另一面 - Day 2

Vanessa — Tue, 16 Feb 2010 15:12:40 GMT

Tsukemen，呢種麵，真係孤陋寡聞，完全未聽過! Gary帶我嚟酒店附近呢間麵店食早餐(晏)，佢話呢度啲麵同豬扒好好食! 佢好鍾意去~~~ 咁我就問佢，咩係Tsukemen呀？佢話係好似冷麵咁，不過係熱既… 咁我覺得其實都幾多餘喎… 啲麵熱既，跟住又要點落啲熱湯度，點解唔好似平時咁食呢？咪仲熱？但係未食過，梗係要試下啦！

居然不出我所料，到我食啲麵既中途時，啲湯同麵已經凍晒！Gary嗰嗰拉麺就好熱.. 激死.. 唔知係我坐門口所以凍咗吖，定係根本佢最尾係會凍咗.. 但係真係有點兒失望囉! Hahaha!! 不過~~~! 啲麵係好彈牙嘅，同埋啲豬扒真係好好好好味~~ (熱辣辣嗰陣) *dinner

食完嘢之後, 我哋去咗tokyo hands, woo~~ 好多指甲嘢同埋好多美容嘢~~ 真係好貴哈哈所以都冇買嘢~ Gary睇中咗個拖車，買嚟拖啲結他同埋effect用! (上次 “而家”嗰個太麻煩~~ *confuse

之後就去咗買啲嘢飲，呢個叫蜜柑既飲品，開頭飲覺得幾fresh，但係飲多幾啖，其實個味都幾怪吓，哈哈！我都係鍾意飲橙汁多啲!! *point

今日既天氣好凍呀，好彩有暖包，因為帶咗三包既關係，我哋每人衫袋有一包，跟住就share一包喺Gary個衫袋，我塞隻手入去，先可以抵擋寒流呀!!!! 去咗uniqlo買衫，啲售貨員真係好專業呀，Gary一入去就排番好啲鞋喇，喺香港真係冇你咁好氣!

之後Gary帶咗我去睇結他樂器嘢~ 其實我嚟咗噤多次我都未去過樂器店，今次絕對係第一次! Haha~ 好新鮮!! 有好多唔同圖案既結他pick~ *salsa

牆身掛滿閃令令既結他~~ 我都想擁有一枝呀! 不過我絕對唔會彈結他既.. 我亦都唔會覺得自己會肯學!! Hahahahahahahaa~~ 我實在太怕痛喇 *hehe

我哋見到ukulele就忍唔住買咗一個$300幾蚊既初學者套裝！(左上角嗰個色)~~
Gary說服我話應該冇大結他咁痛，哈哈點知畀佢欺騙咗 ~~ 佢好鍾意女仔識彈結他，覺得好型㗎!! 好啦，終於我都識彈sakura同埋膺粟粉主題曲喇~~~ *wahaha

跟住我哋就準備會合auntie佢哋然後去迪士尼~~ 我哋約咗喺百貨公司門口等，由於佢哋㗎車未到，我哋就去超級市場買啲野食畀佢哋上車食laak~~ 好多美食呢~~

你哋睇下啲雜誌，用尼龍繩綁住，幾環保，唔似香港用膠袋~ 我覺得呢個idea唔錯吖~~

到咗迪士尼，我哋玩咗最新既monster inc~~ 呢個遊戲排咗一個鐘有多，但係我覺得係好搵笨囉… *ohno

有啲似buzz, 但係interaction唔夠buzz好玩~~ 其實係有啲似winnie the pooh ride… *bored

買咗個winnie the pooh口罩!! 流鼻鼻!!! *sick

出面既sovenir!! 買嚟halloween用? Haha我先唔會呀!!

呢個halloween都話有啲睇頭吖!! Hor hor hor~~~

呢個係gary姪仔呀~~~佢哋對望好得意~~不過..outfo… L討厭呀~~~ *ngjai

離開既時候，gary話bung牆好似ipod!又真係幾似喎, haha!!

夜晚我哋去咗食牛扒，真係好好食呀!!!! 諗起都肚餓~~~

呢個係前菜，係ham+一啲特別既醬汁，好好好好好味㗎~~~

臨走時去洗手間.. 去親日本見到佢我都唔知係咩，亦都冇問過人，今次手痕影低然後問miwa ..佢話係用來遮住啲wee wee 聲喎.. 因為以前啲女仔怕其他人聽到佢去wee wee，所以就用沖廁嚟掩飾，但係實在係好唔環保，所以就發明咗呢樣嘢喎.. 其實wee wee聲都唔係好embarassing啫，洗唔洗咁大陣仗？

發掘東京的另一面 - Day 1

Vanessa — Tue, 16 Feb 2010 00:01:37 GMT

日本就去過好多次喇，不過同Gary叔叔呢就係第一次! Haha! 由於每一次我都係臨最尾先執喼… 執好多護膚品呀，煩着咩衫呀etc etc ，所以永遠都執得好慢…今次亦唔例外，我哋兩個執到好夜先瞓，瞓咗我諗兩個鐘就去機場喇!! 所以一上機就pik pak咁瞓着咗! 連飛機餐我都起唔到身食，哈哈!! *lazy

由於我真係好想着leggings既關係… 我只係帶咗一條牛仔褲去，其它全部都係leggings! 我仲因為驚會凍，就着兩條leggings, hahaha 但係都唔夠啦!!!
一落機就感覺到個寒流喇… 心諗：死，貪靚吖喇，今次實凍死!! *confuse
(好彩家姐醒咗啲暖包畀我，如果唔係我呢個trip一定凍死!!!!)
去到城市，仲落起雨上嚟添呀~~ 我哋去咗買啲透明遮，跟住就同啲喼一齊轆返酒店喇! 返到去酒店時，孖寶leggings+我隻腳已經濕晒! 啲腳趾仲唔知點解好痛添~~ *RAR

休息咗大約半小時，我哋就打電話畀aki同tomo(大學同學們), 睇下佢哋係唔係真係喺GAP度等(因為我哋約咗7點喺嗰度等)~ 點知Tomo打咗兩次都唔聽電話，aki就第二次聽咗，佢話佢有嘢做可能趕唔到，如果佢出到嚟，就會打電話畀Tomo(我哋冇日本手提)。咁我哋唯有去GAP等Tomo出現啦！ *tui

好彩佢最後都有嚟到，之前佢問我係唔係想食oden，因為佢話我以前曾經同佢講過喺香港食oden好貴喎… 我印象中係冇講過既，就算係，意思都係日本菜比較貴咁解啫! Haha~~ 我去之前上網check過oden個樣，真係唔係咁吸引，所以我就拒絕咗佢，唔食oden喇~ 之後佢話一係揀shabu shabu或者mizu taki nabe, 我揀咗mizu taki nabe因為我從來都未試過! 佢話主要係食雞㗎喎, 即管試下啦~~! *dinner

搵mize taki都搵咗一個鐘, 經過呢個牌覺得好奇怪，點解寫 “皮fu科”，唔寫皮膚科 *wahaha

最後Aki都有嚟!! 不停咁傾偈，佢仲講咗好長既故事(點識佢而家個男朋友呢！)

煲嘢一嚟就覺得好頹，好似好求其咁，哈哈!!! *ohno

後尾個服務員嚟咗，將啲材料排得好靚~ 即刻唔可以話佢求其喇~ 因為我哋食hotpot仲求其啦! Hahahaha~ 你問我好唔好食..我覺得一般啦，又唔係好飽肚，每人大約$250啦.. 所以都唔係咁抵.. 哈哈其實有個side story㗎，不過都係唔講喇，呵呵呵~~~!! *gossip

anyway, 我哋叫咗啲drinks, 我叫咗杯柚子，Gary叫咗巨峯提子.. 嚟到嗰陣時我覺得係冇乜生果味… 好似有氣嗰啲水咁，相當之唔好飲… Gary都同我有同感… 飲飲吓，覺得心跳加速，好似唔係好透到氣咁，望吓Gary,佢塊面紅晒，佢問我：杯嘢係唔係有酒精㗎？ *dinner

我諗諗吓，喺喎…………….. Ha!!! 攪笑！事關我哋兩個一啲酒都唔飲, 所以兩個都覺得唔舒服，哈哈！(飲酒既你哋唔好笑我哋呀!) *rabbit

差唔多食完之後，佢哋就好似啲韓國石頭飯咁，加湯同埋飯，煮咗啲粥(有齊晒我哋口水既粥) LOL, 味道? 同你睇到既impression差唔多啦!! *up

食到十一點多，忽然間ONU(喺日本summer school時既助教, 亦都係好朋友!)打電話畀TOMO喎! In case你哋唔知，我係喺美國識TOMO，喺日本識ONU, 但係ONU 同TOMO係喺日本既大學同學! 哈哈!! 就係噤啱!! 我哋都係發現今次係我哋三個一齊見面既第一次!!!! *applause

由於好夜既關係，我哋淨係去咗飲嘢.. 呢個order嘢好過癮呀，佢哋笑我哋大鄉里!! :p (其實真係好眼瞓好眼瞓，但係如果今晚唔見就唔知幾時先可以見ONU,所以眼瞓都要支持住!) *brush

ONU同我哋傾咗大半天，講話佢情人節收到朱古力，好開心，要白色情人節回禮。去日本之前話畀我聽未有女朋友，所以我就好開心啦！喺度同佢傾送咩畀人，代表佢既心意啦！我同Gary都諗咗好多idea畀佢~~~ 跟住又問佢係唔係好肯定個女仔鍾意佢之類… 後尾傾咗大半天原來嗰個係佢女朋友… =,= 係最近既事!! 我哋就笑，佢話佢啲英文程度即係我既日文喎!! 我話如果我有佢啲英文咁好都唔錯啦!! Hahahaha!! 傻瓜~~ *hehe

我見佢哋張張相都唔正經，我唯有加入啦~~~ 記得yoshiko同yuki嘛? 佢哋都係整鬼臉…呢個一定係日本文化, haha!! (P.S. 呢個表情係ONU以前招牌樣!)

返到酒店已經差唔多一點半.. 好眼瞓好眼瞓，去咗附近“蘿神”買“三角形”(即係飯團)食+茶! 我覺得呢枝茶好靚呀！所以帶咗返香港keep! 點知工人揼咗… *ngjai

體驗buli生活

Vanessa — Sun, 14 Feb 2010 02:30:39 GMT

買咗個pro collar畀golly (Gary隻狗)同埋buli，因為佢哋成日咬尾舔腳~ 呢個會舒服過平時嗰啲喇叭型既箍。

Since we have a bigger size for Golly, 我哋好無聊咁試下睇下會唔會好辛苦，體驗一下佢哋既感覺!

Gary’s outfit is same as Buli’s color!! Hahahahahaa you two can be good friends!!! *hoyeah

平嘢大發現! haha..

Vanessa — Sat, 06 Feb 2010 20:23:33 GMT

今日去咗西九龍行街，嘩~~~~~~ 啲嘢平到好緊要!! 啲首飾超平!
我問佢: 請問呢對耳環幾多錢呀，佢答：五蚊啦，不過而家做緊八折! *salsa
當時我覺得好興奮但係我又唔可以表現係我既臉上，所以我只有攬實我家姐然後同佢一齊忍笑！ *tausiu 哈哈!!!!

行完一日街之後，我哋就去咗1壽司度食晚飯~~ *dinner

I like this pic of you sis!! *makeup

家姐買咗好多圍巾呀! Like 3-4? 我地今日個個都戴圍巾，圍巾團隊!!!! *applause

Gary joined our dinner after work! He was late because of traffic jam! So I need to punish him! *RAR Hahahahaha just kidding !!
*muah

Face off!

Vanessa — Thu, 14 Jan 2010 20:13:57 GMT

有一日出show之後, 同Cherry, Derek and Derek’s gf Annie 一齊去食飯。Cherry話佢電話有個program可以將兩個人面調換… 你睇下佢哋幾可愛~~ 一個就好瀟灑，一個就好賢淑… *misshk 唔知點解覺得Annie好似死飛仔, Derek好似"矇鑼例沙".... *lol

我就好奇怪… Cherry換咗我個面型之後好似一位歌手!! 可嵐!! Hahhahaha!! *sing

My best friends from Girl's night

Vanessa — Thu, 07 Jan 2010 20:07:43 GMT

今日好開心呀，收到Miwa喺美國寄嚟既生日禮物, Miwa係我既大學日本同學！

係佢自己hand made既耳環同埋介子呢!

Japanese girls always have neat writings!!!

好掛住佢同Heidi呀! Heidi都係大學同學，佢係韓國人嚟嘅，佢煮嘢食好掂ga！每次去佢屋企佢都會煮好嘢畀我哋食，而佢屋企就會有陣陣既韓國菜香，佢既chap chea(韓國粉絲)目前嚟講係我食過最好食既，仲好味過餐廳呀! We used to hang out in Heidi’s home and have a “Girl’s night”. We will have nice food and girls talk! Sometimes we might watch movies. I really miss our girl’s night. I told them that we should have a virtual girl’s night on Internet sometime. Haha!! I hope we can do it when we have a common time!!

Heidi also 寄咗一套甲油畀我做聖誕禮物!! 佢哋既心意令我好感動呢! I miss them so much!

甜品癮

Vanessa — Wed, 06 Jan 2010 04:28:39 GMT

你哋食完飯之後，會唔會成日想食甜品既呢？ *fone

唔知點解我成日都有呢個衝動…. 就算唔係食甜品，都想開罐可樂或者檸檬茶，但係只係想飲少少!! 甜品真係好吸引.. 尤其係西式嗰啲!! *hehe 我而家回想，點解嗰陣時喺美國可以肥過而家20幾磅。嗰陣時成日都諗唔通，其實飲食習慣好唔一樣呢! 喺學校雖然係食啲好難食既自助餐，但係我每日一定一定會攞曲奇餅同埋蛋糕食!! 如果我而家日日都係咁食，我好肯定我會打回”圓型”!! 大多數3-4pm既時候我都會去café買一個手掌咁大既chewy chocolate chip cookie (新鮮熱辣! 諗起都流口水!!!) *ohno ，夜晚3-4am 都一樣，落去safeway買chocolate chip cookie. 所以我肥咗20lbs only 應該算係偷笑ga喇！ *totung 喺香港如果想食呢啲cookies其實都冇嗰陣時咁方便話食就食，我經過Mrs. Field都再三思量先敢畀自己食一塊! 真係要節制吓呀，如果唔係就會好唔健康同埋增磅….

同Gary去咗九龍城食心太軟, 點解我咁鍾意食？係因為佢好似brownies and chocolate chip cookies! 我好鍾意chewy 既cookies 架!! 如果可以日日食甜品都唔肥就好喇… 呢個應該係我同Michelle既DREAMMM! Right? *rabbit
*shy

新聘請的家務助理

Vanessa — Sun, 20 Dec 2009 13:36:18 GMT

聖誕節想買啲嘢畀shun lui，諗吓買咩畀佢，我知喇！佢最近好鍾意執屋，清潔，掃地~~ 我就喺 “反豆成”度買咗一套吸塵機套裝畀佢玩~~ 我就係咁架喇，買咗就忍唔住要畀佢先, 等唔切聖誕節呀~~ 我話如果你乖食飯姑姐就畀你拆開份禮物啦! *applause

佢一打開，就話：WOW! So beautiful! *wahaha

笑死我~~ 跟住我叫佢打電話畀Gary叔叔啦，因為佢都有份送ga~ 我就特登錄低佢打電話同埋 “執屋”既片段喇! 我睇完又睇都覺得好搞笑好可愛呀!! (佢嗰陣時講嘢冇而家咁流暢，所以嗰陣時特別覺得好笑!)

呢個係我喺webcam capture既collage呀~ 係唔係好靚呢~ 真係嬌俏!!

有一日整完指甲, Shun lui 又瞓聲咗，佢就去亞嫲度"灘"吓~ 我覺得佢好似隻蛋, hahaha所以就影低佢喇(哥哥口頭禪：影佢啦!!!)

除咗BB, 我哋都有去做Christmas shopping㗎! Gary 本來買咗呢個畀Golly 做聖誕禮物，後尾佢自己好好好鍾意，問我可唔可以自己要咗佢，哈哈!!! 我唔知佢最尾有冇畀度Golly呢? *wahaha 呢個公仔仲有好多變種㗎...有一個係女人，有一個戴眼鏡好似welton㗎!!

我就睇中咗呢條暖氈同埋暖拖鞋, haha~ 不過後尾發現真係太大對，而家成日會180度掉轉㗎 *confuse

跟住我哋去咗"版纏"食壽司... 之前去"版獎"食呢，叫1即係1舊... 呢度 1 就係一碟.. Gary仲話一等如一舊，唔信我，你睇下我哋叫咗幾多壽司.... *slipper

♥ 我&Gary的生日 ♥

Vanessa — Thu, 26 Nov 2009 01:44:18 GMT

記得舊年Gary生日我整咗我喺saint mary’s發明既沙律畀佢食，冇去特別地方慶祝，去咗地茂買外賣返屋企食，皆因我地要上堂學跳舞，哈哈!! 今年去咗Aqua 食飯~~ Yum yum!!

Gary話好似兩個神仙喺高樓大廈上面開餐! hahaha..!!

今年想整啲特別啲既嘢畀佢，就諗到不如整件tshirt畀佢啦！佢成日都叫我用“口花花”(我好以前畫既一個paint shop公仔)嚟整件tshirt~~ 整畀佢睇下佢係唔係真係着！哈哈~~~ 跟住又諗，不如叫啲好朋友寫嘢畀佢，切埋一堆字印喺後面，佢應該唔會估到我會搵佢啲朋友啩？(因為都好少見佢啲朋友仔)

後來同家姐哥哥妹妹商量之後，佢哋話有字好核突唔會着~~ 其實我都係諗住畀佢做紀念ja~~ 跟住我去睇嗰個網頁，嗰度話可以整cushion! 咁我就諗整cushion代替啦！基於我原先既概念係整tshirt(因為佢講過話要)，所以我都堅持整咗一件tshirt畀佢。嗰個圖案就係同我幫佢設計既咭片一樣。除咗口花花之外，佢都話過想用嗰個圖案整tshirt!

到我落單既時候，佢哋話前面就係白色，後面一定要係啡色…當時我好無奈啦~~ 但係好彩我後面既design係一堆字, 所以都冇大問題！呢個cushion係連埋枕頭喺入面嘅。我建議大家如果想整，又有時間，又唔介意一邊一定要係啡色既話，唔好買佢哋既cushion… 因為好扁…幾乎冇cotton… 自己出去買個心好過!

Gary一睇到就好surprise,好開心!! 我叫佢逐一咁讀出嚟，佢一路讀一路笑~~ 終於成功咗喇!! Hahahaha~~~ 下年唔知再可以整啲咩畀佢好喇~ 又要再頭痕過喇~~

搵祝賀詞既過程係非常之困難。由於好多朋友都好遲先覆我，或者淨係講happy birthday.. 我都要同佢哋follow up, 叫佢哋寫啲inside jokes呀，特別啲既句子。有啲唔check phase 卜嗰啲人我就要偷睇Gary手提電話然後搵啲朋友電話，SMS佢哋叫佢哋快啲覆！哈哈~~~ 出盡法寶先可以完成~~ 雖然應該會漏(有啲唔覆，有啲我唔識)，但係已經儲齊好多個重要既朋友喇!!

Tshirt方面… 係失敗咗既… 因為我個design係漸變色，所以我覺得個效果都幾唔理想… 哈哈… 燙上去既係咁架喇… 不過我唔expect Gary着完呢次會再着！當係滿足佢既願望啦!

至於我自己今年生日呢，就去咗泰國菜! 我記得我去嗰陣時好大風，從佐敦補習嗰度飛的去！間餐廳係喺網上面搵嘅，味道ok啦! 但係最令我驚喜既係有現場音樂表演! 一路食嘢一路聽歌, hehe 不錯不錯!!

我仲記得個樂手唱完jingle bells之後同shun lui講： For the baby!!

唔知點解覺得呢句好正，哈哈!!! 我都忍唔住喺商場咁講咗 “For the baby!”一次畀台下既小朋友聽，過下癮! :p Derek嗰陣時完全迷茫唔知我講嚟做乜! 只有我自己一個覺得好笑 !